Hissedaari...

This blog is dedicated to the siblings love that exists even if we don't show it since we are brought up together we have a lot in common...we treat them as our biggest enemy but we can't see them harmed at any cost..I could realise this while looking at my kids and some of my own childhood memories with my own sibling. Just want to say you brother even if I have fought many battles with you but are my loveliest enemy...

Hope you would relate this to your own😊

Hissedaari

Ise kashmakash kahun vidambana kahun ya lachaari,
Par achchi hi hai ye hissedaari....

uske janm k sath hi apna Maan kam kam ho jata hai,
Koi aur Sitara bhi ghar me raushan ho jata hai
Bachpane me koshish Rehti hai jaari,
Kaise pad jaun main us par bhaari,

Ise kashmakash kahun vidambana kahun ya lachaari,
Par achchi hi hai ye hissedaari....

Jab tak baat apni hi manwane ki thi,
Akhir soch Liya kabhi na kabhi to uski bhi chalegi hi,
Phir aayi baari chizen sath istemal karne ki,
Kya bataun man me kitni taklif huyi thi,
Kal tak jo Sab sirf mera hua karta tha,
Aaj shuru ho gayi hai usme hissedaari,

Ise kashmakash kahun vidambana kahun ya lachaari,
Par achchi hi hai ye hissedaari....

bachpane Ko yaad karke bhi hansi aati hai,
Sochun to lagta hai is hissedaari ki hi wajah se aati hai,
na Hoti ye hissedaari,na hota mera Sabse pyara dost,
dukh me ya Sukh me wo mujhe kar deta tha hamesha khush,

Ise kashmakash kahun vidambana kahun ya lachaari,
Par achchi hi hai ye hissedaari....

Uske aane se kal tak jo dukh tha,
pata nahi kab wo Khushi ban gayi,
uska mere har samay aas paas hona hi zindagi ban gayi,


Ise kashmakash kahun vidambana kahun ya lachaari,
Par achchi hi hai ye hissedaari....

Usse pehle kabhi kisi k liye itna nahin socha,
phir bhi,uska birthday uske gifts me chahiye hota tha hissa,
Uska dhyan rakhna kabhi nahi thi meri duty,
Jane kab aur kaise ban gayi ye meri khubi,

Ise kashmakash kahun vidambana kahun ya lachaari,
Par achchi hi hai ye hissedaari....

Aaj is mukaam par bhi lagta hai wo mere jaisa,
Is duniyan me Sabse zada Jaisi main Hun wo hai waisa
Alag alag soch aur vichar ho sakte hain,
Alag nahi humare Sanskar ho sakte hain,
Ye hissedaari mujhe hai apni Jaan se pyaari,
Is ab bhai behen ka rishta Kaho ya hissedaari hai ye behad pyaari..

Ise kashmakash kahun vidambana kahun ya lachaari,
Par achchi hi hai ye hissedaari....