Budhapa- jivan ki ek kagaar

 This poem is dedicated to the "young old group" in our family who have been our support system in all our deeds. Our parents, elders who have lived a commendable life should not come to a full stop without a second inning...i have tried to depict the situation of a senior citizen who has left many things behind in life just to make our present the way it is today..hope you will be able to relate it to somebody in your life. 

Yun kahen k jivan ki ek kagaar, 

Kya karun kya nahin ki majdhaar, 

Mano to bojhil hoti aankhon me the jo sapne, 

Unhe mauke deta kar lene k apne

Maano to zindagi jeene ka ek naya tareeka, 

Na mano to kaam k bina hai sab feeka, 

Karo to zindagi bhar k na jaane kitne kaam baaki hain, 

Kuch mutthi me band sapnon k mukaam baaki hain, 

Zindagi ne mauka diya hai to man ki kuch kar lete hain, 

Phir kaun sa hum hamesha isi duniyan me baithe hain, 

Jaane kya kya kab se piche chhod aaye the, 

Pratidin ki ladayi se hum kahan kabhi bhaage the, 

Ghar parivaar aur roz marra ki zaruratein, 

Jinhe pura kiye bina hum kabhi aage na badh paate, 

Kuch armaan, kuch ikshayen baaki to rahe honge, 

Jinhe pura karne ki nayi chaah me nikloge, 

Chand ankahe shabd ya koi sundar vichaar, 

Umar k sath ho sakta h aapka khud se sakshatkaar, 

Umar ho chali hai, ab humse kya hoga, 

Yahi sawal khud se har roj puchna hoga, 

Ab to zindagi ko jung nahi shauk samajhna hoga, 

Jo sab waqt ki bhagdaud me reh gaya, wo karna hoga, 

Joote aur kamar kas k hum huye the taiyaar, 

Ki sharir ne chalte chalte rukne ki thaan li yaar, 

Hausla aur jazba hamme to bahut tha, 

Par ab waqt tha aazmaane ka apne diye sanskaar, 

Kabhi apne bachpan k mook darshak banne me maza aane laga, 

To kabhi man moh aur bhaki me dagmagane laga

Yun kahen k jivan ki ek kagaar, 

Kya karun kya nahin ki majdhaar, 

Mano to bojhil hoti aankhon me the jo sapne, 

Unhe mauke deta kar lene k apne