Khud Ko Apne aap se milaya

Ever since this epidemic has changed our lives to an extent that is now going to change our way of living..and to an extent is going to change the mindset that we have towards life now. This poem is a signature of temporary change in my perception
towards life. Stay home and stay safe ☺️

Kahin kho baithe the hum khud Ko,
Ek jhuthi Maya jaal me gum ho,
Zindagi ka phir se tarruf karwaya,
Khud Ko Apne aap se milaya...

Jab suni ye mahamari ki baat,
Laga din din bigadne wale hain halat,
Roj Marra ki zaruraten kaise karenge pura,
Har din saman jodne Lage thoda thoda,

Kahin kho baithe the hum khud Ko,
Ek jhuthi Maya jaal me gum ho,
Zindagi ka phir se tarruf karwaya,
Khud Ko Apne aap se milaya...

Aaj halat dekhna bhi lagta hai laachari,
Bas kaise bhi Chali jaye ye bimari,
Ghar me itna rehne ki nahi thi aadat,
Kabhi kabhi man bhi karne lagta bagawat,
Agle hi pal lagta hai mushkil se hi to mila hai itni fursat,
Pal do pal hi sahi Puri kar lete hain chardiwariyon me bhi apni chahat,

Kahin kho baithe the hum khud Ko,
Ek jhuthi Maya jaal me gum ho,
Zindagi ka phir se tarruf karwaya,
Khud Ko Apne aap se milaya...

Abhi yaad nahi aata kisi Ko mall,
Aaj uski jagah le li h sabne video call,
Yaad aaya chatpata khane wala restaurant,
YouTube, kadahi, Karachi Nikal gayi turant,
Hobby jise bhag daud me kahin piche chhod aaye,
Shayad Wahi is waqt humen phir chalna sikhaye,

Kahin kho baithe the hum khud Ko,
Ek jhuthi Maya jaal me gum ho,
Zindagi ka phir se tarruf karwaya,
Khud Ko Apne aap se milaya...

Bachpan ki summer vacation wala Sukh to ab nahi,
Apne bachon k bachpane Ko hi ji Len Abhi,
Jin choti choti yaadon Ko hum Nazar andaz karte the,
Aaj maano sab samne aa k baitha hai,
Taaron se Bhari raat ka aasmaan dekhe bhi guzra ek zamana,
Aaj phir se Laut aaya h beete dinon ka tarana,

Kahin kho baithe the hum khud Ko,
Ek jhuthi Maya jaal me gum ho,
Zindagi ka phir se tarruf karwaya,
Khud Ko Apne aap se milaya...

Kehte hain jivan k har padav me milti hai Sikh,
Aaj Apne aap me simat Gaye hain chahe Sukh ho ya dukh,
Itni modernisation aur digitisation k bawajud,
Kabhi kabhi mushkil me lagta hai apna Wajud,
Umeed pe duniyan kayam hai sab kehte hain,
Chalo tab tak sab Apne aap me hi rehte hain

Kahin kho baithe the hum khud Ko,
Ek jhuthi Maya jaal me gum ho,
Zindagi ka phir se tarruf karwaya,
Khud Ko Apne aap se milaya...